Friday, September 14, 2012

ඇරඹුමක්....


ඉසිඹුවක් නොවේ තව  විඩා හරිනට නිතී
ඇරඹුමක් අත වනයි නිම්නයට දුර ඇතී
මල් තුහින පෙති ඉහින අහස් ගඟ දුක හිතී
පාට පාවඩ එලයි හැඟුමකට එති එතී

බලන් නිදි වැටී හිඳි තනිකමේ තටු ඇරී
දුරින් දුර පියාඹා හුදකලා දොස් හරී
ඇට මිදුළු විනිවිදව හැඟුම් සහසක් පිරී
හදේ හැම කවුළුවක පියන්පත් දිග හරී

දෝරෙ ගලනා සිහිල් චුම්බනය තොල් පෙතී
නෑර එකිනෙක කොමළ සුමුදු පහසක එතී
සිඳී දුක් කැටි අඳුරු අතීතය මත ඇතී
පහන් එළි තවරවයි දිවි තුරෙහි එති එතී
Posted by at

20 comments:

  1. SudeepaSeptember 15, 2012 at 2:48 AM

    හදිසියෙම සඳ දුටුව සලිත කුමුදක් සරී
    මුදු සරින් පිපී හිනැහෙන මලකි පෙති ඇරී
    හැඟුමක්ය හද පතුලෙ නොකී කවියක් සරී
    එමුදු නිම් නැති පෙමකි තවත් සඟවනු බැරී

    මේ කුලක් සිසාරා නැගෙන සඳ කත් වැදී
    සැලෙන නුබ ගැබ සරිය හද මලත් නැති නිදී
    සුපිපි කුසුමක පැහැය දියවෙන්න ඉඩ නොදී
    රකිමි පෙති තුල හොවා පෙමක් සඳ වන් රිදී.....

    ReplyDelete
    Replies
    1. ඉන්දිකාOctober 5, 2012 at 10:57 PM

      ස්තූතියි නංගි මේ පැත්තේ ඇවිත් ගියාට.. ඔයාගේ කවිය සැබෑම ලස්සනයි..

      Delete
  2. The Modern PatriotOctober 2, 2012 at 11:43 PM

    රාජ් මග පෙන්නුවේ මේ පැත්තට..

    කවියක් පබැද පිළිතුරු දීමට නොහැකී මුත්...
    නැවුම් සිතිවිලි රස කරන්නට ලොබ බදිමි මං...
    දිගටම ලියමු...එනවා බලන්නට ඔබ...

    ReplyDelete
    Replies
    1. ඉන්දිකාOctober 5, 2012 at 11:00 PM

      ස්තූතියි ඔබට.. මේ අගය කිරීම මට ඉතාමත් වටිනවා..

      Delete
  3. Sumith NiriellaOctober 3, 2012 at 12:19 AM

    හොඳ නිර්මාණයක්....නිවී සැනසිල්ලෙ පසුව ඔක්කොම පෝස්ට කියවනවා.

    දිගටම ලියන්න, සුබ පැතුම්.....!

    (කමෙන්ට් වැරිෆිකේෂන් අයින් කළොත් හොඳයි නේද....?)

    ReplyDelete
    Replies
    1. ඉන්දිකාOctober 5, 2012 at 11:05 PM

      ස්තූතියි සුමිත්..සියලු දෙනාගේම මේ වචන මට ඉතාමත් වටිනව.. මම බ්ලොග් කලාවට නවකයෙක්.. ඉතිං ටික ටික තවම හදාගෙන යනවා.

      (කමෙන්ට් වැරිෆිකේෂන් අයින් කරන්නේ කොහොමද?)

      Delete
  4. LancelotOctober 3, 2012 at 1:18 AM

    පිස්සු කොර ........ ලාවට කව්යක් දෙකක් ලියන්න පුළුවන් වුනාට මං කවියකින් උත්තර ලිව්වේ නැත්තේ ..... මේවත් එක්ක මං ලියන ඒවා ලගින්වත් තියන්න බැරි නිසා ........ උපරිමයි එමමයි

    ReplyDelete
    Replies
    1. ඉන්දිකාOctober 5, 2012 at 11:08 PM

      ස්තූතියි ඔබට.. මාත් මුලින්ම කවි ලිවුවේ එහෙම තමයි.. දිගටම ලියනකොට කියවනකොට හරි යනවා.. අනෙක් දවසේ කවියකින්ම අදහස් පල කරන්න කියලා ඉල්ලා සිටිනවා..

      Delete
  5. තිසරOctober 3, 2012 at 4:26 AM

    කවි හැඟුම් අවදි වන සොඳුරු පදවැල් ගෙතී
    රැඳි පියස සුවය දෙයි සිහිල් මඳ නල එතී
    දළු ලන්න කවි හැඟුම් පැතුම් පතමින් බැතී
    පබා සෙවනැල්ල වෙත මමත් එන්නම් නිතී

    ReplyDelete
    Replies
    1. ඉන්දිකාOctober 5, 2012 at 11:15 PM

      ප්‍රභා සෙවණැල්ල වෙත පැමිණි ඔබ හට තුති
      මෙ සිවු පද කවි කමට දිරි සවිය දෙයි නිති

      Delete
  6. SAMEERA RUKSHANOctober 3, 2012 at 5:53 AM

    ලස්සණය... මරුය... සුපිරිය... හොඳම හොඳය...

    ආවේ මෙතනින් http://raj1st.blogspot.com ඒ නිසා එයාටත් පොඩි ස්තූතියක් කරන්න...

    මේකට ෆලෝවර්ස් ලිස්ට් එකක් දාන්ට... නැත්නම් අපිට ආයෙ මේ සයිට් එක හොයාගන්න අමාරුයිනේ... [ Layout > Add a Gadget > Followers ]

    මේකත් පොඩ්ඩක් ඩවුන්ලෝඩ් කරගෙන බලන්ට... කවි ලියද්දි ඕන වෙයි...
    http://www.mediafire.com/?vqvaru33lcqvb46

    ජය වේවා එහෙනම්...

    ReplyDelete
    Replies
    1. ඉන්දිකාOctober 5, 2012 at 11:24 PM

      මම බ්ලොග් කලාවට නවකයෙක්.. ඉතිං අඩු පාඩු බොහොමයක් ඇති. ගොඩාක් ස්තුතියි මගේ නිර්මාණ අගය කිරීම ගැන වගේම බ්ලොග් එක දියුණු කරගන්න අවශ්ය උපදෙස් ලබා දීම ගැනත්..

      ඇත්තටම මේ බ්ලොග් එක මම හැදුවා මිසක් කවුරුත් දැනන් හිටියේ නෑ මෙහෙම එකක් තියෙනවා කියලා.. අහම්බෙන් දවසක් රාජ්ට කිවුවේ මේ ගැන.. ඉතිං රාජ්ට ගොඩාක් ස්තුති වන්ත වෙන්න ඔනි මේ ගැන අනෙක් අයව දැනුවත් කලාට.. කාර්ය බහුලත්වය නිසාම පහුගිය ටිකේම මේ පෙත්තේ එන්න බැරි උනා.. මට පුදුම හිතුනා ගොඩක් කට්ටිය මේ පැත්තේ ඇවිත් ගිහින් තියෙන විත්තිය දැක්කහම..

      Delete
    2. SAMEERA RUKSHANOctober 7, 2012 at 12:46 AM

      sindilanka.blogspot.com
      ekathuwa.com
      syndi.lankeeya.lk
      hathmaluwa.org
      lankablogs.org
      geek.lk/blogreader
      api-apita.blogspot.com
      maathalangesindiya.blogspot.com

      සින්ඩි වලට බ්ලොග් අඩවිය ඇතුලත් කරලා නැත්නම් මේ සින්ඩි වලට බ්ලොග් එක ඇතුලත් කරන්න පුලුවන්... එතකොට ඒ හරහාත් කියවන්න අය එනවනේ... තව සින්ඩි තියෙනවා... පොඩ්ඩක් හොයලා බලලා දාන්න... කමෙන්ට් වෙරිෆිකේෂනුත් අයින් කරලා දාන්න... කමෙන්ට් එක පබ්ලිෂ් කරන්න ගියාම අකුරු වගයක් ටයිප් කරන්න එන්නේ... අන්න ඒක... ඒක තිබුනම සමහර කට්ටිය කමෙන්ට් දාන්න වෙලා යන නිසා කමෙන්ට් නොදාම යනවා... සුභ දවසක්...

      Delete
    3. SAMEERA RUKSHANOctober 7, 2012 at 12:49 AM

      Edit Profile > Select blogs to display ගිහින් ඔයාගේ අර වැඩ කරන්නේ නැති බ්ලොග් එකක් Profile එකේ ඔයාගේ බ්ලොග් ලිස්ට් එකේ පෙන්නන්නේ... අන්න ඒකත් අයින් කරන්න පුලුවන්...

      Delete
  7. SAMEERA RUKSHANOctober 3, 2012 at 5:55 AM

    ඩවුන්ලෝඩ් කරන්න දුන්න එක වෙන කෙනෙකුට ලියපු කමෙන්ට් එකක්... ඒක කියන්න අමතක වුණා... ඒකෙ අදාළ නොවන ඒවා අයින් කර ගන්න...

    ReplyDelete
  8. සුදීකOctober 3, 2012 at 6:36 AM

    ඇරඹු යුගය මගේ බ්ලොග් එක ජනවරියේ
    රාජ් මිතුර දැම්ම කමෙන්ට් නෑනේ මග ඇරියේ
    අද මා සිටින තැන වෙත ඔබ යයි මතු දිනයේ
    එදිනට මැලි නොවෙන් ගැන වැනුමට රාජාගේ දිරියේ

    ReplyDelete
    Replies
    1. The Modern PatriotOctober 3, 2012 at 11:50 AM

      බලං ගියහම රාජ් තරම් අළුත් එවුන්ට සපෝට් දුන්න එකෙක් නෑ. මටත් එහෙමයි. රාජ් ට දෙන්න තරම් ස්තුති වචන මගේ ශබ්දකෝෂෙ නම් නෑ.

      Delete
    2. ඉන්දිකාOctober 5, 2012 at 11:28 PM

      ඇත්තටම මේ බ්ලොග් එක මම හැදුවා මිසක් කවුරුත් දැනන් හිටියේ නෑ මෙහෙම එකක් තියෙනවා කියලා.. අහම්බෙන් දවසක් රාජ්ට කිවුවේ මේ ගැන.. ඉතිං රාජ්ට ගොඩාක් ස්තුති වන්ත වෙන්න ඔනි මේ ගැන අනෙක් අයව දැනුවත් කලාට.. කාර්ය බහුලත්වය නිසාම පහුගිය ටිකේම මේ පැත්තේ එන්න බැරි උනා.. මට පුදුම හිතුනා ගොඩක් කට්ටිය මේ පැත්තේ ඇවිත් ගිහින් තියෙන විත්තිය දැක්කහම..

      ඉතිං ස්තූතියි ඔබටත් මේ පැත්තේ ඇවිත් ගියාට..

      Delete
  9. ඉන්දික උපශාන්තOctober 4, 2012 at 2:13 AM

    රාජ් කිව්ව නිසා ආව. කවි හින්ද ගියා!

    ReplyDelete
    Replies
    1. ඉන්දිකාOctober 5, 2012 at 11:29 PM

      ස්තූතියි ඔබටත් මේ පැත්තේ ඇවිත් ගියාට..

      Delete

Subscribe to: Post Comments (Atom)