නික්මෙමි ....

 

සඳ තරු නොපැතුවේ අහසම නුඹ හින්දා
නොදුටිමි අහස රළු බව නෙතු අඳ හින්දා
පැතුමන් පිරූ එදවස දුක වැඩි හන්දා
නික්මෙමි සබඳ මතකය නුඹ වෙත රන්දා

 

නොතිර වූ සසර පෙර එක මග යන්න ඇතී

එදවස පිරූ පෙරුමන් මදි වෙන්න ඇතී

නුඹ සිත් අහස වට වැස්සක් වෙන්න බැරී

නික්මෙමි සබඳ එබැවින් අද දුකක් නැතී

 

ඉකිබිඳිනවද කෞමදී ????

අවර සිඹ හිරු සැඟව යනතුරු මඟ බලා උන් සිත් දිදී
තඹර පෙති ගිලි දිය තලා මත සිසි උවන රූ රැස් අඳී
සුපුල් හද මත දිදුල පෙම විඳි අකල් වියොවක දුක රැඳී
සිනා පෙති යට කඳුළු සඟවා ඉකිබිඳිනවද කෞමදී  ????